ശങ്കരാഭരണം പേരിൽ മാത്രമേ ഉള്ളു ആഭരണങ്ങളും ഏച്ചുകെട്ടലുകളും

എന്റെ പ്രണയമേ...

എന്റെ പ്രണയമേ…
നീയെന്റെയാത്മാവിനാനന്ദ യാമത്തിൽ
ആരോരുമറിയാതെ വന്നെത്തുമോ?
എന്നിലെ തരളമാം ദലമർമ്മരങ്ങളെ
തഴുകി പുണർന്നൊന്ന് ചുംബിക്കുമോ?
എന്നുടെ സങ്കൽപ സ്വർഗകവാടത്തിൽ
ചെമ്പനീർപ്പൂവ്വായ് വിരിഞ്ഞീടുമോ?
എന്നുടെ സായാഹ്നമാകെ ചുവപ്പിക്കാൻ
ചെമ്പട്ടണിഞ്ഞു നീയെത്തീടുമോ?
എന്നുടെയേകാന്ത രാത്രികളൊക്കെയും
നിദ്രാവിഹീനങ്ങളായിടുമ്പോൾ…
നിന്നെക്കുറിച്ചോർത്തു പ്രണയാർദ്രചിത്തനാം
എൻ മനം മധുരമായ് പാടിടുമ്പോൾ
എത്തുമോ നീയെന്റെ സഖിയായി, തോഴിയായ്
രാമന്നു വൈദേഹിയെന്ന പോലെ…