Balasankar C

Balasankar C

Geek. Freedom. Privacy.

Home | Blog | Talks | Setup | Feed

ഗുൽമോഹർ ചുവട്ടിലെ പ്രണയം

പിരിയുന്നുവെങ്കിലും ഞാൻ വരും നാൾ നോക്കി
കൺപാർത്തു നിൽക്കുന്നു വീണ്ടും
ഒഴുകുന്ന നദിതന്റെ കരയിലെ പൂവാക
പൂക്കുന്നുവെന്തിനോ വീണ്ടും
പൂവാകതൻ ചോട്ടിൽ ഋതുഭേദമറിയാതെ
നിൽക്കുന്നു നിന്നോർമ്മ വീണ്ടും
നിൻ കരം കൊണ്ടു നീ മെല്ലെ തലോടവേ
താനേ തളിർക്കുന്നുവത്രേ
വസന്തം വരും വീണ്ടുമെന്നു നീ മന്ത്രിക്കെ
മരമൊന്നുലഞ്ഞുപോയെന്നോ
പ്രണയത്തിൽ മുക്കിച്ചുവപ്പിച്ച പൂക്കളി-
ന്നെന്തിനോ വീണ്ടും പൊഴിച്ചു
അകലെയിന്നെൻ മുഖം കാണവേ നിൻകവിൾ
ചോക്കുന്നു സൂര്യനെ പോലെ
ദുരേക്കു നട്ടൊരാ മിഴികളെന്നുള്ളിലാ-
യാകെത്തറഞ്ഞു കയറുന്നു.
അവയെന്റെ പ്രാണനിൽ പാടിത്തിമിർക്കുന്നു
പ്രണയത്തിൻ പ്രാചീനഗീതം.